Navigare Shipping, sum rekur 15 skip og hevur uml. 200 fólk í starvi, er í dag eitt av størstu shipping feløgum í Føroyum, og ein týðandi aktørur á altjóða marknaðinum innan sítt vinnuøki. Fyritøkan er í gongd við at byggja nýggj skip, sum er ein liður í eini støðugari menningarætlan.
Okkara skip føra farm av alskyns slagi millum lond í øllum Norðurevropa. Vit hava deildir í Føroyum, Noreg, Skotlandi, Íslandi og Póllandi og høvuðssætið er í Søldarfirði. Vit leggja dent á samstarv, trivnað og menning – bæði fyri starvsfólk og fyritøku.