Ert tú klár/klárur at seta tín dám á ein fjølbroyttan og altjóða arbeiðsdag?

Navigare Shipping sóknast eftir einum ágrýtnum og skipaðum innkeypara, sum kemur at hava ábyrgdina av øllum innkeypi og vørugoymslum hjá felagnum.

Starvið inniber millum annað

Keypa inn til skipini – í stórum og smáum

Hava ábyrgd av vørugoymslunum á landi og umborð

Tryggja, at vørur verða sendar rættstundis til skipini

Vit vænta at tú:

Hevur viðkomandi royndir ella maskinmeistaraútbúgving el.l

Hevur góðar KT førleikar

Góðan málkunnleika í føroyskum, donskum og enskum

Persónligir eginleikar:

Dugir at arbeiða sjálvstøðug, men trívist eisini í toymi

Ert fyrikomandi, væl skipað/ur og feksibul

Trívist í einum fjølbroyttum arbeiðsumhvørvi, har hvør dagur hevur nýggjar avbjóðingar

Megnar at arbeiða við fleiri ymiskum uppgávum í senn og loysa tær

Hevur áhuga í at menna teg sjálvan og felagið

Vit bjóða tær:

Eitt gott og dynamiskt arbeiðsumhvørvi við fjølbroyttum uppgávum

Gott samstarv har trivnaðurin er í hásæti

Samstarv við dugnaligar og eldhugaðar starvsfelagar

Góða innleiðslu

Umsókn, løn og setan

Løn og setanarviðurskifti verða ásett eftir avtalu. Starvsstaðurin er í Søldarfirði.

Umsókn, saman við prógvum, lívsrensli, viðmælum, v.m., skal sendast til Navigare Shipping, við at trýsta á hesa leinkjuna. 

Umsóknin skal vera okkum í hendi skjótast gjørligt og í seinasta lagi 14. februar 2025.

Vilt tú vita meira um starvið, ert tú vælkomin at seta teg í samband við Anfinn Højgaard, leiðara á Teknisku deild á tlf 523033 ella við telduposti til anfinn@navigare.fo . Allar umsóknir verða viðgjørdar í trúnaði.

Vit ynskja at starvið verður sett skjótast gjørligt.

Um Navigare Shipping

Navigare Shipping eigur og rekur 13 skip og hevur í alt meira enn 200 ársverk, har virksemið fevnir um Føroyar, Norra, Skotland, Ísland og Póland. Høvuðssætið er í Søldarfirði, har 20 starvsfólk hava sína dagligu gongd. Vit leggja dent á samstarv, trivnað og menning – bæði fyri starvsfólk og fyritøku.